15.428.77 միլիոն դոլար ոչ թե Հայաստանին, այլ՝ հանցագործ ռեժիմին:

Եթե սփյուռքին թվում է, թե նա 15.428.77 միլիոն դոլարը տվեց Հայաստանին, չարաչար սխալվում է` նա հերթական անգամ սնեց հանցագործ ռեժիմին, և իմ կարծիքով դա արեց գիտակցված: Հակառակ դեպքում՝ ինչպե՞ս կարող է նորմալ մարդը չտեսնել ու չհասկանալ, որ քսանհինգ տարի տարատեսակ հիմնադրամները որևէ գործ չեն արել ո՛չ Հայաստանում ու ո՛չ էլ Արցախում, փոխարենը՝ տարեցտարի ավելացել են աղքատները, հանիրավի բանտարկվածները, սպանվածներն ու արտագաղթածները։ Մի՞թե այսօրվա նորագույն հնարավորությունների պայմաններում, երբ կա համացանց, և գոնե այդ տարածքում Հայաստանով մտահոգված մարդը հեշտությամբ կարող է տեղեկանալ իրականությանը, տեսնել ու կարդալ, թե ինչ են գրում Հայաստանի ու Արցախի իշխանությունների կատարած հանցագործությունների մասին անկաշառ կայքերը, շարքային քաղաքացիները չեն կարող պարզել ճշմարտությունը։ Մի՞թե խաբված ու թալանված մարդկանց այդ հազարավոր բաց նամակներն ուղղված երկրի իշխանություններին, սոցցանցերում բերված փաստերն ու արված քննարկումները բավարար չեն հասկանալու և գիտակցելու համար, որ հիմնադրամ կոչված կառույցները սոսկ հանցավոր ռեժիմի սպասարկուներն են։ Այն, որ Հայաստանը կորցնում է իր վերջին հողակտորը, միայն ապուշն ու դավաճանը չի ցանկանում հասկանալ։

սեռժիկ սարգսյանն արդեն բացահայտ հայտարարել է Արցախի յոթ շրջանները հանձնելու մասին, իսկ անտեղյակ ձևացող սփյուռքը Հայաստան հիմնադրամին Արցախի զարգացման համար 15.428.77 միլիոն դոլար է նվիրաբերում։ Ինչպես կասեր Ձեր սիրելի սեռժիկը՝ «Իյա, իրո՞ք»։ Դուք իսկապես հավատու՞մ եք, որ Հայաստանը մինչև վերջին կոպեկը թալանած, երկրից՝ տարբեր հաշվարկներով մոտ 14 միլիարդ դոլար դուրս բերած, 6 միլիարդ արտաքին պարտք կուտակած, բնակչության 50 տոկոսին ընչազրկության գիրկը նետած, 3 միլիոնանոց երկրում 1 միլիոն հիվանդ ու հյուծված մարդ թողած, 70-ից ավելի քաղբանտարկյալ պահող սեռժառոբի իշխանությունը Ձեր տված նվիրատվությունը հերթական անգամ չի գրպանելու… Եթե այո, ուրեմն, ներեցեք, բայց Դուք ապուշ եք, սիրելի սփյուռքահայեր, իսկ եթե ոչ, ուրեմն Դուք այս ռեժիմի մեղսակիցն եք։ Այն, որ Հայաստանը արնաքամ է լինում ռուսական ԿԳԲ-ի ծրագրով, հայաստանցիներից շատերին վաղուց պարզ էր, բայց որ ռուսական ԿԳԲ-ն հասցրել է իր գործակալը դարձնել նաև սփյուռքին, որն ապրելով արևմուտքում, օգտվելով արևմտյան մոդելի բարեկեցիկ կյանքի բոլոր պտուղներից՝ առավոտից երեկո բռնակալ ռուսաստանի գովքն է անում և սնում այդ ռուսաստանի դրածոներին Հայաստանում, վերջանականապես բացահայտվեց այս օրերին։ Այնպես որ, Հայաստանի ոչնչացումը նաև Ձեր շնորհիվ է, սիրելի սփյուռքահայեր, որովհետև տասնամյակներ շարունակ Ձեր ֆինանսավորմամբ և անտեղյակությամբ սնել ու սնում եք Հայաստանի հանցագործ իշխանությանը: Ու քանի դեռ չեք ուզում նայել ճշմարտության աչքերին և ապրում եք սուտ հայրենասիրական բարբաջանքով, կշարունակեք մնալ սեռժառոբի բութ գործիքը, որը մինչև վերջ կատարելու է իր ուսերին դրված ԿԳԲ-ական հրամանը՝ զրկել հային պետություն ունենալու ՎԵՐՋԻՆ հնարավորությունից։